Հանրապետականները Սերժ Սարգսյանի գլխավորությամբ Անկախության տոնը նշել են Լոռու մարզում (ֆոտո)
Հանրապետականները Սերժ Սարգսյանի գլխավորությամբ Անկախության տոնը նշել են Լոռու մարզում: ՀՀ 3-րդ նախագահ, ՀՀԿ նախագահ Սերժ Սարգսյանը կուսակցական կառույցների ներկայացուցիչների և ղեկավար կազմի ուղեկցությամբ մեկնել է Լոռու մարզ:
Որպես անկախության համար պայքարի ակունքներում կանգնած քաղաքական ուժ՝ հանրապետականները Անկախության տոնի կապակցությամբ նախ այցելել են Վանաձորի զինվորական պանթեոն` հարգանքի տուրք մատուցել և ծաղիկներ դրել Հայրենիքի համար իրենց կյանքը զոհաբերած ազատամարտիկների շիրիմներին և նրանց հիշատակը հավերժացնող հուշարձանին:
ՀՀ 3-րդ նախագահի անունից այսօր առավոտյան ծաղկեպսակ է դրվել նաև «Եռաբլուր» զինվորական պանթեոնում:
Լոռվա մարզի Արդվի համայնքում Հանրապետական կուսակցության անդամներն ուխտագնացություն կկատարեն Սուրբ Հովհաննես վանք (հայտնի է նաև Սրբանես կամ Հովհան Օձնեցու վանք անուններով), որի մատուռում գտնվող դամբարանում ամփոփված է Հայոց եկեղեցուն զգալի հռչակ բերած մեծագույն հայրապետներից մեկը՝ Սուրբ Հովհան Իմաստասեր Օձնեցին:
![Հանրապետականները](https://bavnews.am/wp-content/uploads/2019/09/serj-sargsyan.jpg)
![Հանրապետականները](https://bavnews.am/wp-content/uploads/2019/09/serj-sargsyan-naxagah.jpg)
![Հանրապետականները](https://bavnews.am/wp-content/uploads/2019/09/sargsyan-serj.jpg)