Հայ փաստաբան Գրիգոր Գոյումջյանը սպանվել է եղբոր կողմից՝ թեժ վեճից հետո

Լոս Անջելեսում 33-ամյա քաղաքացիական իրավունքների փաստաբան Գրիգոր Գոյումջյանը մահացու հրազենային վնասվածք է ստացել եղբոր կողմից։ Դեպքը տեղի է ունեցել շաբաթ օրը, ժամը 13:45-ի սահմաններում, Նորթ Հիլզ թաղամասի տներից մեկում, հայտնում են ոստիկանությունը և ընտանիքի մտերիմ ընկերը՝ հղում անելով New York Post-ին:

Ոստիկանության աշխատակիցները ժամանել են Noble Ave 9000 հասցեում գտնվող տուն կրակոցների ձայներից հետո: Շտապ օգնությունը ժամանել է դեպքի վայր, սակայն Գոյումջյանի կյանքը փրկել չի հաջողվել. նա մահացել է տեղում: Կասկածյալը՝ նրա կրտսեր եղբայրը, ձերբակալվել է հենց հանցանքի վայրում:

Զոհվածի ընկերն ու գործընկերը՝ Հադերլեյնը, նշել է. «Ես ոչ մի լավ բան չունեմ ասելու նրա եղբոր կամ հոր մասին: Նա բացարձակ զոհ էր: Չկա ոչ մի փոքր հավանականություն, որ նա արժանի էր սրան: Այն ամենը, ինչ նրանք անում էին, միայն նրանից խլելն էր և նրանք պետք է ամաչեն դրա համար»:

Գրիգոր Գոյումջյանը և Հադերլեյնը ոչ միայն գործընկերներ էին իրավաբանական պրակտիկայում, այլև մանկության ընկերներ. նրանք միասին սովորել են Eagle Rock տարրական դպրոցի օժտված երեխաների ծրագրում՝ վեցերորդ դասարանից: Ավելի ուշ նրանք հանդիպել են North Hollywood High School-ում, որտեղ երկուսն էլ միացել են բանավեճի թիմին։

Բանավեճերը դարձել էին Գրիգոր Գոյումջյանի գլխավոր կիրքը. նա բանավեճի ծրագիր էր կազմակերպել Հյուսիսային Հոլիվուդի Վաղ կրթության կենտրոնում՝ 14 տարի շարունակ մարզելով հինգերորդ և վեցերորդ դասարանցիներին:

«Չնայած իրավաբանական դպրոցում սովորելուն և փաստաբանի կարիերան սկսելուն՝ նա միշտ առաջնահերթություն էր համարում հինգշաբթի օրերի մարզումները. դա նրա ամենամեծ հպարտությունն էր»,- նշել է Հադերլեյնը: