Հայտնի է դարձել այն հիվանդությունը, որը կարող է կորոնավիրուսի դեմ իմունիտետ ապահովել
Հայտնի է դարձել այն հիվանդությունը, որը կարող է կորոնավիրուսի դեմ իմունիտետ ապահովել
Դենգե տենդով հիվանդացած մարդիկ կարող են որոշակի իմունիտետ ունենալ COVID-19- ի նկատմամբ: Այս մասին հայտնում է Reuters- ը՝ վկայակոչելով ամերիկյան Դյուկի համալսարանի պրոֆեսոր Միգել Նիկոլելիսի կողմից դեռևս չհրապարակված ուսումնասիրությունը:
Այսպիսով, ամերիկացի գիտնականին հաջողվել է պարզել, որ այն շրջաններում, որտեղ նախկինում մոլեգնել է այդ տիպի տենդը, կորոնավիրուսի տարածումը շատ ավելի դանդաղ տեմպերով է եղել:
Եթե հաստատվի երկու վարակների միջև կապի վերաբերյալ ենթադրությունը, կորոնավիրուսի տարածումը կարող է կանգնեցվել դենգե տենդի դեմ զանգվածային պատվաստմամբ:
Դենգե տենդը մոծակների միջոցով փոխանցվող ֆլավիվիրուս է, որը հանդիպում է աշխարհի արևադարձային և մերձարևադարձային շրջաններում: Վարակման ախտանշանները նման են գրիպի ախտանշաններին, բայց առանց համապատասխան բուժման հիվանդության ծանր դեպքերով հիվանդների մահացությունը կազմում է 20%:
