Հայտնի են Գեղարքունիքում կայծակից մահացած և տուժած կանանց ինքնությունները
Հայտնի են Գեղարքունիքում կայծակից մահացած և տուժած կանանց ինքնությունները
Ավելի վաղ հայտնել էինք, որ Գեղարքունիքի մարզում 3 կին էր կայծակնահարվել. նրանցից մեկը տեղում մահացել էր։
ՆԳՆ փրկարար ծառայությունը հայտնել է, որ Սարուխան գյուղից մոտ 7 կմ հեռավորության վրա՝ դաշտային հատվածում, կայծակնահարության հետևանքով քաղաքացի Ա. Կ.-ն (ծնված 1965 թ․) մահացել է, իսկ քաղաքացիներ Ա. Ս.-ն (ծնված 1961 թ.) և Վ. Ի.-ն (ծնված 1982 թ.), մինչ փրկարարների կանչի վայր հասնելը, տեղափոխվել են բժշկական կենտրոն։
Նրանց առողջական վիճակը գնահատվել է բավարար։
Փրկարարներն Ա. Կ.-ի դին ավտոմեքենայով տեղափոխել են և հանձնել շտապօգնությանը։
