Հայկական մուֆլոններ՝ Զանգեզուրի լեռներում (Տեսանյութ)

ՇՄՆ «Զանգեզուր» կենսոլորտային համալիր» ՊՈԱԿ-ի «Զանգեզուր» արգելավայրի տարածքում հունիսի 25-ին իրականացված խոշոր կաթնասունների հերթական քանակային մշտադիտարկման արդյունքում արձանագրվել են Հայկական մուֆլոններ: Հայտնում են նախարարության ֆեյսբուքյան էջում: Հայկական մուֆլոն (լատ.՝ Ovis orientalis gmelini)։

Գրանցված է Հայաստանի Հանրապետության կենդանիների Կարմիր գրքում: Տեսակն ընդգրկված է ԲՊՄՄ Կարմիր ցուցակում (ver. 3.1) «Vulnerable A2cde» կարգավիճակով: ԲՊՄՄ Կարմիր ցուցակի չափորոշիչներով ենթատեսակը գնահատվում է որպես «Վտանգված»։

Տեսանյութի հեղինակ՝ Հարութ Աղաթելյան։