Հայաստանի և Ադրբեջանի քանի՞ քաղաքացու է պատրաստվում վտարել Թրամփը

ԱՄՆ նախագահ Դոնալդ Թրամփը երդմնակալությունից հետո սկսել է իրականացնել ամերիկյան պատմության մեջ անօրինական միգրանտների արտաքսման ամենամեծ գործողությունը։ ԱՄՆ նախագահը մտադիր է արտաքսել «բոլոր նրանց, ովքեր երկրում օրինական հիմքերով չեն գտնվում»:

«ԱՄՆ ներգաղթի և մաքսային ծառայության ուժեր»-ը հրապարակել են ցանկ, որտեղ ներկայացված է, թե որ երկրից քանի միգրանտ պետք է արտաքսվի։ Ըստ ծառայության՝ արտաքսման պատճառները տարբեր են։

ԱՄՆ-ն կարտաքսի Հայաստանի 2808 և Ադրբեջանի 709 քաղաքացու, նաև ԽՍՀՄ 337 և Հարավսլավիայի 845 քաղաքացու։

Ռուսաստանից կարտաքսվի 3518, իսկ Թուրքիայից՝ 3103 քաղաքացի։

ԱՄՆ-ն կարտաքսի նաև Բրազիլիայի 38,677 քաղաքացու, իսկ Չինաստան կարտաքսվի 37,908 քաղաքացի։

Ամենամեծ թվով միգրանտները, որոնց ծրագրվում է տուն ուղարկել, Լատինական Ամերիկայի երկրների՝ Հոնդուրասի, Գվատեմալայի, Մեքսիկայի և Սալվադորի քաղաքացիներն են։ Ցուցակում ներառվել են նաև Չինաստանի 37.908, Հնդկաստանի 17.940 քաղաքացիներ։