Հայաստանի կողմից հիմնավորված պահանջներ են առաջ քաշվում․ Լուկաշենկոն՝ ՀԱՊԿ գործունեության մասին
Հայաստանի կողմից հիմնավորված պահանջներ են առաջ քաշվում․ Լուկաշենկոն՝ ՀԱՊԿ գործունեության մասին
Այս մասին հունիսի 20-ին հայտարարել է Բելառուսի նախագահ Ալեքսանդր Լուկաշենկոն ՀԱՊԿ անդամ երկրների արտաքին գործերի նախարարների հետ հանդիպմանը, հայտնում է ԲԵԼՏԱ-ն։
Հունիսի 20-ին Բելառուսի նախագահ Ալեքսանդր Լուկաշենկոն հանդիպել է ՀԱՊԿ անդամ երկրների արտաքին գործերի նախարարներին։ Նա այդ հանդիպման ժամանակ կոչ է արել կազմակերպությանը չխուսափել խնդիրներից, որքան էլ դժվար լինի, լուծել դրանք։
«Հայաստանի կողմից հիմնավորված պահանջներ են առաջ քաշվում։ Ուստի եթե մենք չլուծենք այդ խնդիրները, ՀԱՊԿ երկրները միշտ կհանդիմանեն միմյանց, դժգոհություն կհայտնեն կազմակերպության աշխատանքից:
Աշխարհում ստեղծված իրավիճակը մեզ համար կասկած չի թողնում, որ մենք պետք է համախմբված լինենք: Մենք պետք է միասնական լինենք, հատկապես այս դժվարին ժամանակաշրջանում»,- ընդգծել է պետության ղեկավարը։
