Կորոնավիրուսի համաճարակի հետ պայմանավորված դադարեցվում է Հայաստանի և Վրաստանի քաղաքացիների միջև տեղաշարժը
Կորոնավիրուսի համաճարակի հետ պայմանավորված դադարեցվում է Հայաստանի և Վրաստանի քաղաքացիների միջև տեղաշարժը
ՀՀ փոխվարչապետ Տիգրան Ավինյանը իր ֆեյսբուքյան էջում տեղեկացրել է, որ դադարեցվում են Հայաստանի և Վրաստանի քաղաքացիների միջև տեղաշարժը։
Նա մասնավորապես նշել է՝
«Հարգելի՛ հայրենակիցներ,
Կողմերի փոխադարձ համաձայնությամբ Հայաստանը ու Վրաստանը որոշել են մարտի 14-ի առավոտյան ժամը 08:00-ից սկսած 10 օրով ժամանակավորապես կասեցնել երկու երկրների միջև քաղաքացիների տեղաշարժը:
Միաժամանակ, երկու երկրները կապահովեն հայրենիք վերադառնալու ցանկություն հայտնած քաղաքացիների անարգել մուտքը իրենց երկիր:
Այս սահմանափակումները տարածվում են տրանսպորտի բոլոր տեսակների վրա:
Սահմանափակումները չեն տարածվում բեռնափոխադրումների վրա:
Հայցում ենք բոլորիդ ներողամտությունը պատճառած անհարմարության համար։ Համոզված եմ՝ առկա է համընդհանուր գիտակցում, որ այս քայլերը ձեռնարկում ենք բացառապես հանրության անվտանգությունն ապահովելու նպատակով»։
