Կյանքից հեռացել է ՀՀ վաստակավոր մարզիչ Պավլիկ Ղարսլյանը
Հայաստանի բռնցքամարտի ֆեդերացիան ցավով տեղեկացնում է, որ 63 տարեկանում, երկարատև հիվանդությունից հետո, կյանքից հեռացել է հայկական բռնցքամարտի լավագույն մասնագետներից մեկը՝ ՀՀ վաստակավոր մարզիչ Պավլիկ Ղարսլյանը։
Ղարսլյանը մեծ դեր է ունեցել հայկական բռնցքամարտի զարգացման գործում․ նրա սաները բազմիցս հաղթել են Եվրոպայի և աշխարհի առաջնություններում՝ նվաճելով բարձրակարգ մեդալներ։
Նա երկար տարիներ եղել է նաև Հայաստանի հավաքականների մարզչական շտաբում։
