Կյանքից հեռացել է հայտնի վիրաբույժ Ռաֆայել Սարգսյանը

Կյանքից հեռացել է հայտնի վիրաբույժ Ռաֆայել Սարգսյանը

Մարտի 30-ին 70 տարեկան հասակում կյանքից հեռացել է անվանի ուռուցքաբան, ԵՊԲՀ ուռուցքաբանության ամբիոնի պրոֆեսոր Ռաֆայել Գուրգենի Սարգսյանը:Այս մասին հայտնում են ՀՀ ԱՆ Ֆանարջյանի անվան Ուռուցքաբանության ազգային կենտրոնից:

Ռաֆայել Սարգսյանն իր աշխատանքային գործունեությունն սկսել է 1977 թվականից Ռենտգենաբանության և ուռուցքաբանության գիտահետազոտական կենտրոնում։

1999-2006 թթ․ ղեկավարել է Գլուխ-պարանոցի բաժանմունքը, 2006-2019 թթ․՝ Ընդհանուր ուռուցքաբանության բաժանմունքը, որտեղ զբաղվել է էնդոկրին համակարգի, փափուկ հյուսվածքների, աղեստամոքսային համակարգի, կրծքագեղձի, մաշկի ուռուցքների բոլոր ծավալների վիրահատական բուժմամբ։

Նա մեծ ավանդ ունի հայկական ուռուցքաբանության զարգացման գործում, կրթել է ուռուցքաբանների մի քանի սերունդ։

Պրոֆեսորը 88 գիտական աշխատանքի հեղինակ է։

Բժշկի հոգեհանգիստը տեղի կունենա մարտի 31-ին՝ 17:00-20:00, «Rotonda» սգո սրահում (հասցե՝ Դավիթ Բեկի 83), հուղարկավորությունը՝ ապրիլի 1-ին՝ 13:00-ին, Հացավան գյուղում՝ Սարգսյանների ընտանեկան գերեզմանատանը։