Կինը խանութից 200 դրամանոց ականջի փայտիկներ գնեց և ներսում գտավ մի քանի հազար դոլարի զարդեր (ֆոտո)
Կինը խանութից 200 դրամանոց ականջի փայտիկներ գնեց և ներսում գտավ մի քանի հազար դոլարի զարդեր։ Չնայած մեր երկրում այնքան էլ զարգացած ու տարածված չեն օգտագործված իրեր վաճառող խանութները, եվրոպական մի շարք երկրներում և ԱՄՆ-ում դրանք լայն տարածում ունեն։
Մարդիկ այդպիսի խանութներից գնումներ են կատարում, երբ չեն ցանկանում կոնկրետ այդ իրի վրա շատ գումար ծախսել։ Սկզբունքը հետևյալն է․ մարդիկ անվճար հանձնում են իրենց անպետք իրերն այդ խանութին, որն էլ ցածր գնով վաճառում է այն։
Հենց այդ պատճառով էլ շատ են եղել դեպքեր, երբ գնորդները պատահաբար թանկարժեք իրեր են հայտնաբերել գնված ապրանքների միջից։ Օրինակ՝ գումար՝ նկարի շրջանակի մեջ, ոսկյա մատանի՝ հագուստի գրպանում և այլն։
Ամերիկուհի այս կինը՝ Լորետա Սիմսը, պարզապես այցելել էր խնայողական խանութ՝ տեսնելու, թե ինչ հետաքրքիր բան կարող է գնել։ Բայց արի ու տես, որ կյանքը նրա համար մեծ անակնկալ ուներ։
Չնայած ոչ մի արտասովոր բան չգտավ, որոշեց ականջի փայտիկներ գնել, որոնք 50 ցենտ արժեին։ Գանձապահին նա մեկնեց երկու 25-ցենտանոց կոպեկներն ու գնաց տուն։ Տուփը բացելուց հետո կինը դրանում թանկարժեք զարդեր, ազնիվ քարերով ականջօղեր և մարգարտյա վզնոց գտավ։
![Կինը խանութից](https://bavnews.am/wp-content/uploads/2018/03/zarder-1.jpg)
Սկզբում նա կարծում էր, որ դրանք հավանաբար էժան զարդեր են, բայց մասնագետի մոտ այցելելուց հետո համոզվեց, որ դրանք իսկապես շատ թանկ արժեն, ավելի կոնկրետ՝ 1800 ԱՄՆ դոլար։
Փաստորեն, կինը, ծախսելով ընդամենը 50 ցենտ կամ, որ նույնն է, մոտավորապես 200-250 դրամ, ստացավ ընդհանուր 1800 դոլար արժողությամբ զարդեր։