Կինը դիմել է դատախազություն, որ «Աստղիկ» ԲԿ-ի բժշկի կողմից մասնագիտական պարտականությունները ոչ պատշաճ կատարելու հետևանքով իր ամուսինը մահացել է
Կինը դիմել է դատախազություն, որ «Աստղիկ» ԲԿ-ի բժշկի կողմից մասնագիտական պարտականությունները ոչ պատշաճ կատարելու հետևանքով իր ամուսինը մահացել է
Shamshyan.com-ի տեղեկություններով՝ օրեր առաջ դատախազությունից գրություն է ուղարկվե Հայաստանի քննչական կոմիտեի Երևան քաղաքի քննչական վարչության Մալաթիայի քննչական բաժին, որը վերաբերվում է Երևան քաղաքի բնակիչ Շ. Ա-ի դիմումի փաստին։
Ինչպես հայտնում է ֆոտոլրագրող Գագիկ Շամշյանը, Շ. Ա-ն դատախազությանը հայտնել է, որ սեպտեմբերի 5-ին իր ամուսինը՝ Ս. Ս-ն, մահացել է «Աստղիկ» բժշկական կենտրոնում բժիշկ Վ. Բ-ի կողմից մասնագիտական պարտականությունները ոչ պատշաճ կատարելու հետևանքով։
Դիմումի փաստով ոստիկանության Մալաթիայի բաժնում նյութեր են նախապատրաստվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
