Կարտոֆիլը 20 տոկոսով թանկացել է
Կարտոֆիլը 20 տոկոսով թանկացել է
News.am-ը գրում է․ Կարտոֆիլի արտադրության ոլորտում, որը որոշ ժամանակ առաջ մենք սկսել էինք նույնիսկ արտահանել, խնդիրներ են առաջացել։ Վերջին տարիներին ապրանքը 20 տոկոսով թանկացել է։ Այս մասին News.am-ի թղթակցի հետ զրույցում ասաց գյուղատնտեսության նախկին փոխնախարար Աշոտ Հարությունյանը։
Հայաստանը հասարակության կենսագործունեության բոլոր ոլորտներում գնում է դեպի անդունդ, ուստի, նրա խոսքով, նախ պետք է կասեցնել այս գործընթացը, նոր միայն մտածել զարգացման մասին։
Նա կարծում է, որ գյուղատնտեսության ոլորտը քայքայվում է, կան սխալներ, որոնք շտկելու համար բավական երկար ժամանակ կպահանջվի։
Հարությունյանը հիշեցրեց 2023 թվականին գյուղատնտեսության համախառն արտադրանքը 1,2 տրլն դրամի, իսկ 2026 թվականին՝ մինչեւ 1,4 տրլն դրամի հասցնելու իշխանությունների ծրագրերի մասին։
Ոլորտում նախատեսվում է իրականացնել գրեթե 38 մլրդ դրամի վեց ծրագիր, այդ թվում՝ արտաքին աղբյուրներից վարկային եւ դրամաշնորհային միջոցների հաշվին։
Միաժամանակ, ինչպես նշեց փորձագետը, նպատակ է դրված գյուղատնտեսության համախառն արտադրանքի ցուցանիշը մոտեցնել 1,2 տրլն դրամի։ Հատկանշական է, որ 2016 թվականին այս ցուցանիշն արդեն կազմել է ավելի քան 1,216 տրլն դրամ, թեեւ այն ժամանակ շատ ավելի քիչ գումար էր ծախսվում նույն ցուցանիշներին հասնելու համար, քան ներկայիս իշխանությունները ցանկանում են ծախսել։
«Ինչպե՞ս են իշխանությունները պատրաստվում ապահովել 1,2 տրլն դրամը՝ հաշվի առնելով աշնանացանի ծրագրի ձախողումը եւ եղանակային անբարենպաստ պայմանները։ Եթե ցանք չկա, ուրեմն ցուցանիշներն արդեն վատ կլինեն։ Ո՞րն է տնտեսությունների խոշորացման իմաստը, որոնց ընդհանուր քանակը նախատեսվում է նախկին 317 000-ի փոխարեն հասցնել 280 000-ի։
Ֆերմերները շարունակում են պարզապես անտեսել։ Հաշվի առնելով բանկային ոլորտի համար բարենպաստ պայմանները՝ կարելի էր իջեցնել տոկոսադրույքը վարկերի սուբսիդավորման ծրագրի շրջանակներում, բայց դա էլ տեղի չունեցավ»,- հավելեց նախկին փոխնախարարը։
Հարությունյանը կասկածի տակ դրեց հացահատիկի ներկրման վերաբերյալ իշխանությունների տրամադրած տեղեկատվությունը։
«Ո՞վ է ներկրել պարարտանյութեր։ Ո՞վ է շահել մրցույթը։ Ո՞վ է հարստացել, եւ ով աղքատացել»,- տարակուսեց փորձագետը։
Մանրամասները՝ News.am-ի տեսանյութում
