Կալանքից ազատ է արձակվել Արամ Սարգսյանի դեմ մահափորձ կազմակերպած անձը
Կալանքից ազատ է արձակվել գործարար Ստեփան Սամվելյանը, որը մեղադրվում է «Հանրապետություն» կուսակցության առաջնորդ Արամ Սարգսյանի դեմ մահափորձ նախապատրաստելու մեջ։
Խափանման միջոց է ընտրվել չհեռանալու մասին ստորագրությունը, հայտնել է նրա փաստաբան Զարուհի Փոստանջյանը:
Հիշեցնենք՝ հուլիսի 31-ին «Հանրապետություն» կուսակցության ղեկավար Արամ Սարգսյանի դեմ մահափորձ կազմակերպելու գործով կալանավորված գործարար Ստեփան Սամվելյանի առողջական վիճակը վատացել էր, նրա համար շտապօգնություն էր հրավիրվել։
