Խոշոր ավտովթար «Grand Sport»-ի խաչմերուկում․ 4 վիրավոր կանայք տեղափոխվել են հիվանդանոց
Այսօր՝ հունվարի 11-ին, խոշոր ավտովթար է տեղի ունեցել Երևանում: Ժամը 20:00-ի սահմաններում Արշակունյաց պողոտայում՝ «Grand Sport»-ի խաչմերուկում բախվել են 2 «Nissan» և «Toyota» մակնիշի ավտոմեքենաները:
Shamshyan.com-ի փոխանցմամբ՝ վթարի հետևանքով 4 հոգի, որոնք կանայք են, տեղափոխվել են 2-ը՝ «Էրեբունի», 2-ը՝ «Շենգավիթ» բժշկական կենտրոններ:
Վիրավորներին առաջինը օգնության են հասել քաղաքացիները և ըստ քաղաքացիների հայտնածի՝ օպերատիվ են գործել Երևանի 1-03 շտապօգնության բժիշկների հերթապահ խմբերը:
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդների և վիրավորների ինքնությունը:
