Լևոն Քոչարյանը մեկնել է երկրից
Լևոն Քոչարյանը մեկնել է երկրից
Մամուլում տեղեկություններ են շրջանառվում, ըստ որոնց՝ այսօր գիշեր Ռոբերտ Քոչարյանի որդին՝ Լևոն Քոչարյանը, ՀՀ-ից մեկնել է Փարիզ, այնտեղից էլ մեկնելու է Ամերիկայի Միացյալ Նահանգներ, գրում է Armtimes.com-ը:
Նույն տեղեկությունների համաձայն՝ Լևոն Քոչարյանը ԱՄՆ է մեկնում, քանի որ վերջինիս կինը՝ երգչուհի Սիրոշոն, պատրաստվում է երրորդ երեխային ունենալ:
Նշենք, որ Սիրուշոն ԱՄՆ մեկնելու մասին ֆեյսբուքյան իր էջում հայտնել էր սույն թվականի մայիսի 8-ին:
Լևոն Քոչարյանի կինը նշել էր, որ այս անգամ իր համար ամենադժվարն է լինելու, որովհետև ամուսինն իր հետ չի գնալու, մնալու է Երևանում և շարունակելու է պայքարել, և այդ միտքը, որ իրենց կյանքի ամենակարևոր պահերից մեկը գուցե չկարողանան միասին կիսել, շատ ցավալի է, բայց այլ տարբերակ, ցավոք, չկա:
Նա գրառման մեջ նաև անդրադարձել էր հնչող այն քննադատություններին, թե՝ «եթե հայրենասեր ես, ինչո՞ւ ես այլ երկրում երեխայիդ լույս աշխարհ բերում»: Վերջինս որպես պատճառ նշել էր, որ դա պայմանավորված է անհրաժեշտ բժշկական նրբություններով և անձնական պատճառներով:
Երգչուհին նաև հայտնել էր, որ հղիության հատկապես վերջին շրջանը նախընտրում է ավելորդ ուշադրությունից հեռու լինել ու լիարժեք կենտրոնանալ երեխայի ու ընտանիքի վրա:
