Այսօր հատկապես չեմ կարողանում շնչել․ Լևոն Մնացականյանի կինը շնորհավորել է ամուսնուն
Բաքվի Բանտում գտնվող գեներալ Լևոն Մնացականյանի կինը՝ Լարիսա Մնացականյանը շնորհավորել է ամուսնու ծննդյան 60-ամյակը:
«Համարյա երկու տարի արցունքները խեղդում են կոկորդս։ Հույսերի, աղոթքների եւ սպասումների երկու տարի: Ես կարող էի ասել, որ պատրաստ եմ աղոթել եւ ծնկաչոք աղաչել, խնդրել Ամենակարողին այնքան, որքան անհրաժեշտ է, բայց այլևս չեմ ուզում։
Ուզում եմ, որ որքան հնարավոր է շուտ, ողջ եւ առողջ վերադառնաս, մեզ մոտ, ովքեր սիրում են քեզ: Այսօր հատկապես չեմ կարողանում շնչել, դու անընդհատ աչքերիս առջև ես, իսկ արցունքները շարունակում են գալ, ինչպես միշտ, այս երկու տարվա ընթացքում: Ես ինձ արգելում եմ, չեմ կարող․․․
Իմ սիրելի, հարազատ, իմ մարդ։ Պարզապես դիմացիր, ես խնդրում եմ քեզ: Աղոթում եմ Աստծուն ՀՐԱՇՔԻ համար Աղոթում եմ անդադար։
Հավատում ենք, հույս ունենք, սպասում ենք,.. Ծնունդդ շնորհավոր, ցավդ տանիմ»,-գրել է նա։
