Լիլիթ Հովհաննիսյանի եկամուտների չհայտարարագրման գործը նախաքննական փուլում է․ երգչուհին կձերբակալվի՞
Երգչուհի Լիլիթ Հովհաննիսյանի եկամուտների չհայտարարագրման գործը նախաքննական փուլում է: Այս մասին այսօր լրագրողների հետ զրույցում ասաց ՊԵԿ նախագահ Դավիթ Անանյանը:
Անանյանը անդրադառնալով երգչուհու հնարավոր ձերբակալությանը՝ նշեց, որ, եթե այդպիսի անհրաժեշտություն լինի, դատարանը սանկցիա կտա: Դա արդեն քննության ընթացքում կերևան։
Ավելի վաղ տեղեկացրել էինք, որ հարկային վարչարարության և առանձին երգիչ-երգչուհիների իրավագիտակցության բարձր մակարդակի և համատեղ քննարկումների արդյունքում, իրենց եկամուտները հայտարարագրել են նաև Իվետա Մուկուչյանը, Արսեն Սաֆարյանը, Սիլվա Հակոբյանը, Ալբերտ Սիմոնյանը՝ Թաթան ու Արման Հովհաննիսյանը:
