Իրանում երեկվա դրությամբ կորոնավիրուս հայտնաբերել են 5 հոգու մոտ. Ինձ երեկվանից մի հարց է հետաքրքրում. ի՞նչ է անում Հայաստանը
Իրանում երեկվա դրությամբ կորոնավիրուս հայտնաբերել են 5 հոգու մոտ. Ինձ երեկվանից մի հարց է հետաքրքրում. ի՞նչ է անում Հայաստանը
Այս մասին ֆեյսբուքյան իր էջում գրել է ռազմական հարցերով փորձագետ Կարեն Վրթանեսյանը։
«Կանադայում կորոնավիրուս են գտել երիտասարդ մի կնոջ մոտ, որը 6 օր առաջ Իրանից է ժամանել։ Հստակ պարզ չէ՝ հենց Իրանում է վարակվել, թե ճամփեքին, բայց էլի մտահոգիչ է։
Իրաքը 3 օրով արգելել է Իրանից մարդկանց մուտքն իր տարածք, իսկ Իրանից ժամանող Իրաքի քաղաքացիները պիտի 14-օրանոց կարանտին անցնեն։ Երեկ Iraqi Airways ավիաընկերությունը հայտարարել է, որ դադարեցնում է բոլոր թռիչքներն Իրան։
Իր հերթին Քուվեյթը նույնպես սահմանափակել է Իրանից ու դեպի Իրան մարդկանց շարժը, ինչպես նաև չեղարկել են դեպի Իրան բոլոր թռիչքները։
Հիշեցնեմ, որ Իրանում երեկվա դրությամբ կորոնավիրուս հայտնաբերել են 5 հոգու մոտ, որից 2-ն արդեն մահացել են։
Ինձ երեկվանից մի հարց է հետաքրքրում. ի՞նչ է անում Հայաստանը։ Ի՞նչ միջոցներ են ձեռնարկվում Իրանի հետ սահմանին։ Մենք ունենք մի վարչապետ, որը շատ է սիրում բոլոր թեմաներով խոսել։
Ունենք նաև առողջապահության նախարար, որը նույնպես շատ է սիրում ամեն ինչից խոսել։ Հիմա ճիշտ ժամանակն է երկրի անվտանգությանը և առողջապահությանը վերաբերող հարցով խոսելու։
Ալո՞։
Հ.Գ. Ի դեպ, խնդիրը ոչ այնքան և ոչ միայն հիվանդության լրջությունն է, այլ այն, որ հենց Հայաստանում դեպքեր բացահայտվեն, որոշ երկրներ կարող են Հայաստանից մուտքը փակել։ Նույն Վրաստանը, Ռուսաստանը, եվրոպական երկրները։ Հասկանում եք, չէ՞, թե դա ինչ լուրջ խնդիր կարող է դառնալ»։
