Իսրայելի ՀՕՊ-ը չի հասցնում հաղթահարել իրանական բալիստիկ հրթիռների հարվածները

Իսրայելի ՀՕՊ-ը չի հասցնում հաղթահարել իրանական բալիստիկ հրթիռների հարվածները

Իսրայելական կողմը հայտարարում է՝ Իրանը հրթիռներ է արձակել Իսրայելի ուղղությամբ: Երկրի տարածքում հնչում են օդային տագնապի ազդանշաններ, իսկ բնակիչներին կարգադրել են գնալ ապաստարաններ, հայտնում են մի շարք միջազգային լրատվական գործակալություններ:

Իրանը Իսրայելի ուղղությամբ շուրջ 400 հրթիռ է արձակել

Իսլամական հեղափոխության պահապանների կորպուսը հայտարարել է, որ Իրանը սկսել է հարձակումն Իսրայելի ուղղությամբ՝ ի պատասխան «Հըզբոլլահ»-ի գլխավոր քարտուղարի, ՀԱՄԱՍ-ի քաղբյուրոյի ղեկավարի և Ղոդս-ի ուժերի հրամանատարի մահվան։

Իրանի կողմից Իսրայելի հրթիռակոծումը շարունակվում է․ բանակը քաղաքացիներին կոչ է անում մնալ ապաստարաններում։

Իսլամական հեղափոխության պահապանների կորպուսը հայտարարել է, որ Իսրայելը կբախվի կործանիչ հարձակումների, եթե արձագանքի Իրանի հարձակմանը։

Սկսվել է Իսրայելի վրա Իրանի հրթիռային հարձակման երկրորդ ալիքը, հաղորդում են իրանական լրատվամիջոցները։ Իսրայելի հրթիռակոծումը տեղի է ունենում Իրանի գերագույն հոգևոր առաջնորդ Ալի Խամենեիի հրամանով։