Ի՞նչ արժեր Փաշինյանի կիրակնօրյա լուքը. «Հրապարակ»
Ի՞նչ արժեր Փաշինյանի կիրակնօրյա լուքը
«Հրապարակ»-ը գրում է. «Կիրակի օրը վարչապետ Նիկոլ Փաշինյանը կնոջ և որդու ուղեկցությամբ այցելել էր Գյումրի՝ «պերաշկի», եգիպտացորեն ու ձվածեղ ուտելու։ Նույն օրը եղել էին նաև Լոռիում ու Տավուշում, որտեղ էլ վառարանի վրա կարտոֆիլ էին խորովել-կերել։
Այցի նպատակների մասին ոչինչ չհայտարարվեց, հասկացվեց, որ գաստրոլոգիական շրջագայություն էր՝ հավանաբար, հասարակ սննդի կարոտից դրդված։ Աննա Հակոբյանը, մասնավորապես, իրենց Գյումրիի այցից լուսանկարներ էր հրապարակել և մեկնաբանել․
«Ժողովուրդ ջան։ Մենք ոչ միայն զբոսնում ենք մեր տարբեր քաղաքներում, այլև կարկանդակ ու եգիպտացորեն ենք վայելում, խանութներից առևտուր ենք անում, սրճարաններում ենք լինում և այլն, և այլն։ Պարզապես միշտ չէ, որ դուք մեզ նկատում եք»։
Վարչապետը չնայած սոցիալապես անապահով ու աղքատ դերվիշի կերպարի մեջ էր, բայց մենք նկատեցինք, որ նրա հագին Հայաստանի ֆուտբոլի ազգային հավաքականի ձմեռային համազգեստի բաճկոնն էր, որի արժեքը 57 հազար դրամ է։
Բացի այդ, Փաշինյանը կրում էր AWI ապրանքանիշի՝ տղամարդու ինքնալարվող մեխանիկական ժամացույց՝ AW 1096 A.2 մոդելի, որի արժեքը 120 հազար դրամ է։
Ի դեպ, Փաշինյանը գրեթե միշտ այս ապրանքանիշի ժամացույցներ է կրում և ամեն անգամ՝ տարբեր մոդելների, այսինքն՝ սա Փաշինյանի հավաքածուում առկա ժամացույցներից հերթականն էր, և եթե հաշվի առնենք, որ վարչապետը ստանում է 1 մլն 580 հազար դրամ աշխատավարձ, ապա պետք է նկատենք, որ բոլորովին էլ «բոմժի» հագուկապով չէր, ինչպես որակում էին ֆեյսբուքյան օգտատերերը։
Մանավանդ՝ այդ հագուկապի վրա ակնհայտորեն ինքը ոչինչ չի ծախսում»:
Մանրամասները՝ թերթի համարում:
