«Ժողովրդին թալանածներն ու թալանողները հայտնվելու են բանտում». Նիկոլ Փաշինյան
«Ժողովրդին թալանածներն ու թալանողները հայտնվելու են բանտում». – այս մասին քիչ առաջ ֆեյսբուքյան իր էջում գրառում կատարեց ՀՀ վարչապետ Նիկոլ Փաշինյանը։
«Որոշ կոռուպցիոներներ մտածել են, թե ԱԱԾ-ում խառն են եւ իրենք կարող են այս ընթացքում իրենց մութ գործերը կարգավորել:
Նոր Հայաստանում ԱԱԾ-ն անձ չէ, ԱԱԾ-ն համակարգ է եւ նա գալու է ներկա ու նախկին բոլոր կոռուպցիոներների, լրտեսների եւ այս կարգի այլ տարրերի ետեւից:
Ինչպես նաեւ Քննչական կոմիտեն, Հատուկ քննչական ծառայությունը, դատախազությունը, ոստիկանությունը եւ ՊԵԿ քննչական վարչությունը:
Կոռուպցիայի եւ հանցավորության դեմ կիսապայքար չի լինելու:
Ժողովրդին թալանածներն ու թալանողները հայտնվելու են բանտում: Հասկանում եմ, որ լավ չի հնչում, բայց այլ տարբերակ չկա»:
