Ժամանակին հոսանքի համար չվճարող օլիգարխն այսօր ջերմ կապեր ունի Փաշինյանի հետ
Լրագրող Ոսկան Սարգսյանը ֆեյսբուքյանա իր էջում գրել է․
«Ինչպես Նիկոլ Փաշինյանը թալանը կոպեկ առ կոպեկ ետ բերեց
Նիկոլ Փաշինյանը 2018-ին խոստանում էր «նախկին» իշխանավորների կատարած թալանը կոպեկ առ կոպեկ, քայբաբ առ քյաբաբ ետ բերել, սակայն նրա այդ խոստումը, մյուս խոստումների նման, սուտ դուրս եկավ։
Իրազեկ, ստույգ աղբյուրը հայտնում է, որ 2015 թվականին, երբ Հայաստանի էլեկտրական ցանցերը վաճառվում էր, նոր սեփականատեր Սամվել Կարապետյանը՝ «Տաշիրի» սեփականատերը, Սերժ Սարգսյանին հարցնում է, թե կա՞ն հոսանք օգտագործողներ, որոնք հոսանքի համար չեն վճարում։
Սերժ Սարգսյանն ասել է, որ նման բաժանորդներ չկան: Սակայն նոր սեփականատերը շուտով պարզում է, որ Երևանի ամենահայտնի սուպերմարկետին ցանցի խանութներում էլեկտրական հոսանքի հաշվիչներ տեղադրված չեն։
Հավելեմ, որ հայտնի այդ օլիգարխի աշխատողների մոտ կեսը, մինչև 2018-ը գրանցած չէր, նրանց համար օլիգարխը հարկ չէր վճարում։ Հիմա այդ օլիգարխը ջերմ կապեր ունի Նիկոլ Փաշինյան իր նրա ընտանիքի հետ, ըստ մամուլի, թանկ նվերներ է տալիս այդ ընտանիքին։
Հայաստանում երկար տարիներ եղել են գազալցակայաններ, որոնց գազը վերցնելով՝ մայր գազատարից, դրա համար չեն վճարել, իսկ նրանց ծախած գազը դուրս է գրվել գազի համակարգում կորուստների հաշվին։ «Տրանսգազի» ղեկավարներից մեկը, ով այժմ հանգուցյալ է, Հայաստանի շատ ԱԳԼՃԿ-ների փայատեր է դարձել։
Այս մեծ խախտումները մինչ օրս Նիկոլ Փաշինյանի անվան իրավապահ համակարգը չի բացահայտել, չարաշահում կատարողներին պատասխանատվության չի ենթարկել։ Կարող եմ ենթադրել, թե ինչու»։
