Թրամփը հայտարարել է՝ Հայաստանի և Ադրբեջանի միջև կարող է լինել երկարատև խաղաղություն
ԱՄՆ նախագահ Դոնալդ Թրամփը Փաշինյանի հետ հանդիպումից հետո հայտարարել է, որ «լիովին համոզված է»՝ Հայաստանի եւ Ադրբեջանի միջեւ կարող է լինել երկարատեւ խաղաղություն։
ՀՀ վարչապետի հետ երկկողմ հանդիպումից հետո, երբ Թրամփը դիմավորում էր Ադրբեջանի նախագահին, լրագրողը հարց է ուղղել. «Նախագահ Թրամփ, որքանո՞վ եք վստահ, որ Հայաստանի և Ադրբեջանի միջև կարող է լինել երկարատև խաղաղություն»։
«Լիովին համոզված եմ»,- պատասխանել է Թրամփը։
Նշենք, որ ԱՄՆ նախագահ Դոնալդ Թրամփը նախատեսում է ուրբաթ Սպիտակ տանը հյուրընկալել Հայաստանի և Ադրբեջանի ղեկավարներին, որտեղ, ինչպես սպասվում է, նրանք կեզրափակեն խաղաղության համաձայնագրի վրա աշխատանքը։
