«Զգուշացում՝ սահմանամերձ բնակավայրերի բնակիչներին»․ Նաիրի Հոխիկյան
Լրագրող Նաիրի Հոխիկյանը ֆեյսբուքյան իր էջում գրել է․
«Զգուշացում սահմանամերձ բնակավայրերի բնակիչներին.
Տեղեկություններ կան, որ արտաքին դրամաշնորհներով’ հատկապես Սորոսի կողմից սնվող մի շարք մարդիկ և կազմակերպություններ Հայաստանի սահմանամերձ բնակավայրերի հարակից տարածքներում բնապահպանական անվան տակ դրոնով (աթս) նկարահանումներ են կատարում։
Դա ներկայացնում են իբրև թե Հայաստանի բնության պատկերը ստանալու, վայրի կենդանիների տեղաշարժին հետևելու նպատակ, բայց իրականում դա մեծ վտանգ է ներկայացնում հայկական բանակի դիրքերի և մեր պետության անվտանգության համար։
Երկրի պայմանական սահմանների մոտ, սահմանից բավական ներս, խորքում և սահմանամերձ բնակավայրերում կատարվող վերևից նկարահանումները թշնամուն հնարավորություն կտան մանրամասն ծանոթանալ մեր զորքի և զինտեխնիկայի տեղակայման վայրերին, բացազատման տարածքին, անտառների կառուցվածքին, ինչպես նաև քաղաքացիական շինություններին։
Եթե կնկատեք դրոնով աշխատող մարդկանց, ճշտեք նրանց ինքնությունը և թե արդյո՞ք նրանք բանակից են կամ ունեն հատուկ թույլտվություն բանակի կողմից։
Թույլ մի տվեք, որ բնապահպանի անվան տակ դրոնով նկարահանվեն մեր երկրի անվտանգային վայրերը։ Արգելեք։ Դուք ունեք դրա իրավունքը»։
