Երևանում քովիդով վարակված 10-ամյա երեխա է մահացել
Երևանում քովիդով վարակված 10-ամյա երեխա է մահացել
Երևանում քովիդով վարակված 10-ամյա երեխա է մահացել։ Դեպքը տեղի է ունեցել երեք օր առաջ Արաբկիր բժշկական կենտրոնում։ Հայտնում է «Ազատություն»-ը: Հայաստանում քովիդով վարակված երեխայի մահվան երկրորդ դեպքն է։
Ըստ Առողջապահության նախարարության գլխավոր մանկաբույժ Սերգեյ Սարգսյանի՝ երեխան Արաբկիր բժշկական կենտրոն է ընդունվել դիաբետիկ կոմայով՝ շաքարախտի բարդությամբ։
«Երեխան ընդունվել է դիաբետիկ կոմայով, սրընթաց սուր զարգացող առաջին տիպի դիաբետով», – ասել է Սարգսյանը։ Մինչ «Արաբկիր» հասնելը, նախ ծնողները դիմել են «Սուրբ Աստվածամայր» բժշկական կենտրոն՝ սեպտեմբերի 22-ին։ Երեխայի վիճակն արդեն ծանր է եղել։
![3-ամյա աղջնակ](https://bavnews.am/wp-content/uploads/2019/01/hivandanoc-1.jpg)
Կենտրոնի Վերակենդանացման բաժնի վարիչ Աննա Չոբանյանը մանրամասնել է՝ հետազոտել ու նույն օրն էլ պարզել են, որ շաքարային դիաբետ ունի։ «Կատարվել են բոլոր հետազոտությունները միանգամից և առաջին անգամ իր կյանքում հայտնաբերվել է շաքարային դիաբետ։
Ինքը շատ վատ էր և միանգամից տեսանք, որ շաքարի շատ բարձր թվեր ունի», – ներկայացրել է Չոբանյանը։