Երևանում թալանել են Արարատի և Վայոց Ձորի մարզերի ընդհանուր իրավասության դատարանի դատավորի ավտոմեքենան

Երևանում թալանել են Արարատի և Վայոց Ձորի մարզերի ընդհանուր իրավասության դատարանի դատավորի ավտոմեքենան

SHAMSHYAN.com-ի տեղեկություններով՝ ոստիկանության կենտրոնական բաժնում նյութեր են նախապատրաստվում դեկտեմբերի 22-ին ոստիկանության կենտրոնական բաժին դիմած Երևանի բնակիչ, 33-ամյա Գառնիկ Ստեփանյանի ահազանգի փաստով:

Ինչպես հայտնում է ֆոտոլրագրող Գագիկ Շամշյանը, վերջինս ոստիկանություն ահազանգել է, որ դեկտեմբերի 21-ի ժամը 22:00-ից մինչև դեկտեմբերի 22-ի 00:00-ն ընկած ժամանակահատվածում անհայտ անձը կամ անձինք ապակին կոտրելու միջոցով Արամի փողոցի 86 հասցեում կայանված, իրեն պատկանող Toyota մասկնիշի 120 JJ 01 համարանիշի ավտոմեքենայի սրահից գողացել են պայուսակը, որի մեջ եղել է գումար:

Դեպքի վայր են ժամանել ոստիկանության կենտրոնական բաժնի օպերատիվ խումբը՝ հետաքննչական բաժանմունքի հետաքննիչի գլխավորությամբ:

Գ. Շամշյանի տեղեկություններով՝ Գ. Ստեփանյանը ոստիկաններին հայտնել է, որ ինքն աշխատում է Արարատի և Վայոց Ձորի մարզերի ընդհանուր իրավասության դատարանի դատավոր: