Երևանում գողերը մտել են Արա Բաբլոյանի որդու տուն
Երևանում գողերը մտել են Արա Բաբլոյանի որդու տուն
Shamshyan.com-ի տեղեկություններով՝ հունվարի 1-ին Երևանում փորձել են թալանել հայտնի վիրաբույժ Սերգեյ Բաբլոյանի տունը։
Այդ օրը, ժամը 09։30-ին Երևանի բնակիչ՝ 42-ամյա Սերգեյ Բաբլոյանն ահազանգել է ոստիկանության Քանաքեռ-Զեյթունի բաժին և հայտնել, որ նույն օրը, ժամը 06։00-ից 07։00-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ բացել են Զաքարիա Քանաքեռցու փողոցի վրա գտնվող իր տան պատշգամբի դուռը և մուտք գործել տուն։
Ինչպես հայտնում է ֆոտոլրագրող Գագիկ Շամշյանը, ահազանգով ժամանել են ոստիկանության Քանաքեռ-Զեյթունի բաժնի օպերատիվ խումբը և Հայաստանի քննչական կոմիտեի Երևան քաղաքի քննչական վարչության Քանաքեռ-Զեյթունի բաժնի քննչական խումբն ու ՀՀ ոստիկանության փորձաքրեագիտական վարչության փորձաքրեագետները։
Գողության փորձի փաստով քննչական բաժնում նախաձեռնվել է վարույթ։
Ոստիկանությունն ու քննչական բաժինը պարզում են՝ արդյո՞ք գողին կամ գողերին հաջողվել է տանից իրեր գողանալ։
Գ. Շամշյանի տեղեկություններով՝ Սերգեյ Բաբլոյանը հայտնի բժիշկ, Ազգային ժողովի նախկին նախագահ Արա Բաբլոյանի տղան է, ով աշխատում է «Արաբկիր» ԲԿ-ում՝ որպես վիրաբույժ։
