Երևանի ավագանու անդամի կնոջ ավտոմեքենան այրել է Թաիրովի մոտոցիկլետով բնակիչը (Տեսանյութ)
Երևանի ավագանու անդամի կնոջ ավտոմեքենան այրել է Թաիրովի մոտոցիկլետով բնակիչը (Տեսանյութ)
Երևանի քաղաքապետարանի ավագանու անդամ Գևորգ Ստեփանյանի կնոջ ավտոմեքենան նախօրեին հրկիզվել է անհայտ անձի կողմից։
ArmLur.am լրատվականի բացառիկ աղբյուրների փոխանցմամբ՝ դեպքը տեղի է ունեցել գիշերվա ընթացքում, երբ ավտոմեքենան կայանված է եղել Ստեփանյանների տան մոտ։ Ոստիկանության օպերատիվ գործողությունների արդյունքում բերման է ենթարկվել մի տղամարդ, ով, ըստ նախնական տվյալների, բնակվում է Թաիրով համայնքում։
ArmLur.am-ի աղբյուրները փոխանցում են, որ նա դեպքի վայր է հասել մոտոցիկլետով, հրկիզումից հետո հեռացել նույն եղանակով։ Հայտնի է, որ բերման ենթարկված անձը հրաժարվել է որևէ բացատրություն կամ ցուցմունք տալ իրավապահներին։
Այս պահին վարույթ է նախաձեռնվել, քննությունը շարունակվում է։
