Երկու երեխա զոհվել, իսկ մեկը տուժել է՝ փորձելով փրկել նրանց
Երկու երեխա զոհվել, իսկ մեկը տուժել է՝ փորձելով փրկել նրանց
Երկու 3-ամյա երեխաներ զոհվել են, իսկ 12-ամյա երեխան վիրավորվել է՝ փորձելով փրկել նրանց Հյուսիսային Կառոլինայում շարժական տան հրդեհից, գրում է News.am-ը՝ հղում անելով Associated Press-ի աղբյուրներին:
Հրդեհը բռնկվել է ուրբաթ առավոտյան՝ Ռոզբորոյում: Սեմփսոնի շրջանի շերիֆի գրասենյակից հայտնել են, որ 3 տարեկան տղան եւ աղջիկը զոհվել են, իսկ 12 տարեկան տղան կտրվածքներով տեղափոխվել է հիվանդանոց, որոնք ստացել է այն ժամանակ, երբ փորձել է կոտրել պատուհանը, որպեսզի փրկի երեխաներին:
Ծխի դետեկտորը արթնացրել է երեխաների ծնողներին, եւ նրանց հաջողվել է փախչել, բայց չեն կարողացել հասնել տան մյուս ծայրում գտնվող երկու երեխաներին, հայտնել են շերիֆի գրասենյակից:
Շերիֆի տեղակալը, որը առաջինն է դեպքի վայր ժամանել, փորձել է փրկել շարժական տունը, բայց այն արդեն բռնկված է եղել կրակով: Երկու փոքր երեխաները հայտնաբերվել են այն ննջարանում, որը նրանք կիսում էին:
Երկհարկանի շարժական տանը ինը մարդուց բաղկացած երկու ընտանիք էր ապրում։
Կարմիր խաչը օգնում է տուժածներին:
