Երկիր մոլորակի բնակիչներն ականատես կդառնան Լուսնի լրիվ խավարմանը

Երկիր մոլորակի բնակիչներն ականատես կդառնան Լուսնի լրիվ խավարմանը

Լուսնի լրիվ խավարում տեղի կունենա նոյեմբերի 8-ին։ Այն իր ողջ գեղեցկությամբ կտեսնեն Ռուսաստանի արեւելյան մասի բնակիչները։ Այս մասին նշել են Մոսկվայի պլանետարիումի մամուլի ծառայությունում։

Նոյեմբերի 8-ին տեղի կունենա Լուսնի լրիվ խավարում՝ առավելագույն փուլով (1,36), Մոսկվայի ժամանակով ժամը 13.59-ին, եւ կտեւի մոտ 6 ժամ։ Նշվել է, որ լրիվ փուլը տեւելու է ավելի քան մեկ ժամ։

Փորձագետները նաեւ նշել են, որ խավարումն ամբողջովին երևալու է Ռուսաստանի արեւելքում, Խաղաղ օվկիանոսի ջրավազանում, Հյուսիսային Ամերիկայի արեւմուտքում եւ Գրենլանդիայի հյուսիսում։

Լուսնի խավարումը տեղի է ունենում այն ժամանակ, երբ Լուսինը մտնում է Երկրի ստվերի կոնի մեջ։ Երկրի ստվերի բծի տրամագիծը 363 000 կիլոմետր հեռավորությամբ (Երկրից Լուսնի նվազագույն հեռավորությունը) կազմում է Լուսնի տրամագծի մոտ 2,6-ը, ուստի Լուսինը կարող է ստվերվել լրիվ։

Խավարման յուրաքանչյուր պահի Երկրի ստվերով Լուսնի սկավառակի ծածկվելու աստիճանն արտահայտվում է խավարման փուլով։ Φ փուլի մեծությունը որոշվում է θ հեռավորությամբ՝ մինչեւ ստվերի կենտրոնը Լուսնի կենտրոնից հեռավորությամբ։ Աստղագիտական օրացույցներում Φ եւ θ մեծությունները նշվում են խավարման տարբեր փուլերի համար։

Երբ Լուսինը խավարման ժամանակ լիովին ծածկվում է Երկրի ստվերով, դա նշանակում է Լուսնի լրիվ խավարում, երբ դա տեղի է ունենում մասամբ՝ խոսում են մասամբ խավարման մասին։

Երբ Լուսինը մտնում է Երկրի միայն կիսաստվերի մեջ, խոսում են մասնավոր կիսաստվերային խավարման մասին։ Լուսնի խավարման անհրաժեշտ պայմաններ են լիալուսինը եւ Լուսնի մոտ լինելն իր ուղեծրի հանգույցին (այսինքն՝ այն կետին, որտեղ Լուսնի ուղեծիրը հատում է էկլիպտիկայի՝ խավարածրի հարթությունը). Լուսնի խավարում տեղի է ունենում այն ժամանակ, երբ միաժամանակ առկա են այս երկու պայմանները։