Երիտասարդ զույգերը Հաղթանակ կամրջի վրա մեքենայից արձակել են կրակոցներ
Հուլիսի 14-ի գիշերվա ժամը 2-ին ՆԳՆ ոստիկանության ՊԾ Երևան քաղաքի պարեկները Արգիշտի փողոցում, խուլիգանություն կատարելու կասկածանքով, ձերբակալել և ոստիկանության Կենտրոնական բաժին են տեղափոխել 20 և 23 տարեկան երկու երիտասարդի ու 18 և 19 տարեկան երկու աղջիկների:
Այս մասին Bavnews.am-ը տեղեկանում է ՀՀ ոստիկանությունից։
Նրանք «Օպել» մակնիշի մեքենայով երթևեկելիս Հաղթանակ կամրջի վրա մեքենայից արձակել են կրակոցներ:
«Օպելի» տեսանելի հատվածում եղել է ատրճանակ: Մեքենան տեղափոխվել է բաժնի հատուկ պահպանվող տարածք: Ձերբակալվածները և կազմված փաստաթղթերը ներկայացվել են քննչական բաժին:
