Երբ կկայանա Գյումրիի ավագանու առաջին նիստը

Գյումրիի ավագանու ընտրություններում մասնակցել է 6 կուսակցություն և 3 դաշինք:

«Քաղաքացիական պայմանագիր» կուսակցություն` համար 1 քվեաթերթիկ, Հայաստանի Կոմունիստական կուսակցություն՝ համար 2 քվեաթերթիկ, «Ապրելու երկիր» կուսակցություն՝ համար 3 քվեաթերթիկ, «Մայր Հայաստան» կուսակցությունների դաշինք (ընդգրկված են «Ինտելեկտուալ Հայաստան» և «Իմ պայքար, իմ հայրենիք» կուսակցությունները)՝ համար 4 քվեաթերթիկ, Հայաստանի աշխատավորական սոցիալիստական կուսակցություն՝ համար 5 քվեաթերթիկ, «Եվրալյանս» կուսակցությունների դաշինք (ընդգրկված են «Հայաստանի Եվրոպական կուսակցությունը», «Հանրապետություն» և «Հանուն հանրապետության ժողովրդավարության պաշտպանների դաշինք» կուսակցությունները)՝ համար 6 քվեաթերթիկ, «Ժողովրդավարական այլընտրանք» կուսակցություն՝ համար 7 քվեաթերթիկ, «Մեր քաղաքը» կուսակցությունների դաշինք՝ համար 8 քվեաթերթիկ, «Իմ հզոր համայնք» կուսակցություն՝ համար 9 քվեաթերթիկ:

Գյումրի քաղաքի ավագանի է անցնում 5 քաղաքական ուժ, որոնցից մեկը ներկայացնում է գործող իշխանությունը, մյուս չորսը՝ տարբեր ընդդիմադիր թիմեր:

Գյումրու ավագանու առաջին նիստը կայանալու է ապրիլի 16-ին։ Ավագանին ընտրվում է հինգ տարի ժամկետով: Նորընտիր ավագանու լիազորությունների ժամկետը սկսվում է առաջին նիստի գումարման պահից: Այդ պահից ավարտվում է նախորդ ավագանու լիազորությունների ժամկետը:

Ավագանու նիստում համայնքապետ է ընտրվում այն թեկնածուն, որը ստանում է ավագանու անդամների ընդհանուր թվի ձայների մեծամասնությունը՝ 17 ձայն։

Եթե առաջին գումարված նիստի ժամանակ քաղաքապետ, այնուամենայնիվ չի ընտրվում, գումարվում է հաջորդ նիստը և քաղաքապետ դառնում է այն թեկնածուն, որը ոչ թե 17, այլ առավելագույն ձայնն է ստանում։