Ես ուզում եմ հայ լինեմ. բացառիկ զրույց «իսլամ ընդունած» 13-ամյա հայ տղայի հետ
Ես ուզում եմ հայ լինեմ: Թուրքիայի հեռուստատեսության ուղիղ եթերում իսլամ ընդունած 13-ամյա երեխան՝ Արթուրը, որոշ պարզաբանումներ ներկայացրեց, թե ինչպես է ամեն ինչ եղել:
«Իրենք ինչ ասեցին, ես էլ էդ ասեցի: Ես առանց իմանալու եմ արել ամեն ինչ»,- ասաց նա:
Մայրը՝ Ալինան, պարզաբանեց. «Այսինքն՝ առանց հասկանալու է արել, ասում է՝ առանց իմանալու»:
Արթուրն ասաց, որ բարձրացել է բեմ, հարցեր են տվել, պատասխանել է.«Բառերը ասեցին, հետո ինձ ասացին՝ կգաս մեզ հետ հաց ուտելու, ու պրծ, եկա: Ես ուզում եմ հայ լինեմ, առանց իմանալու եմ արել ամեն ինչ»:
Մայրն էլ պատմեց, որ տղան իրեն ասել է՝ ուզում է գնալ այնտեղ, որ այդ մարդուն, այսինքն՝ հոգևորականին, տեսնի: Ալինան նախապես թույլ չի տվել, հետո մտածել է՝ երեխա է, ընկերոջ հետ թող գնա:
«Ինքը գնաց, բայց չեմ իմացել, որ բեմ է բարձրանալու: Եթե իմանայի, տրամաբանորեն իր հետ կգնայի, այնտեղից կլսեի, բնական է դա, ես նույնիսկ տանը չեմ եղել: Ես իմ երեխային այդպես եմ հասկանում՝ ինքը գնացել է, որ այդ հայտնի մարդու հետ ուղղակի նստի:
Կիրակի այստեղ Մայրիկների օր էր, Արթուրը բերեց, նվեր տվեց, համբուրեց, շնորհավորեց, ասաց՝ մամա, տեսար, որ էդ մեծ մարդու, պաշտոնով մարդու հետ նստել եմ սեղանի շուրջ, հաց եմ կերել: Ես՝ որպես ծնող, այդպես եմ հասկանում: Իր ընկերն է ասել՝ եկեք գնանք այնտեղ, իրեն ուղղակի ասել են, որ գնում են այնտեղ՝ դիտելու»,- ասաց նա:
Ալինան նաև հերքեց լուրերը, թե իբր իրենց գումար են առաջարկել կամ քաղաքացիություն, ասաց՝ նման բան չկա:
Տղայի մոր հետ հարցազրույցը կարող եք դիտել այստեղ:
Աղբյուր՝ shantnews.am
