Ելակի մուրաբա պատրաստելու ամենահամեղ և ճիշտ տարբերակը

Ելակի մուրաբա պատրաստելու ամենահամեղ և ճիշտ տարբերակը

Ելակի մուրաբան շատ համեղ է և պատրաստվում է պարզ եղանակով: Ահա մի հեշտ բաղադրատոմս, որով կարող եք պատրաստել այս մուրաբան:

Առաջին հերթին հարկավոր է ընտրել չվնասված, կարմիր և թարմ ելակ։ Լավ լվացեք ելակները և մաքրեք ցողուններից։ Մեծ ելակները կտրեք 2 կամ 4 մասի՝ կախված դրանց չափից, իսկ փոքրերը թողեք ամբողջական։

Մաքուր մեծ ամանի մեջ շերտավորեք ելակները և շաքարավազը: Այսինքն՝ շերտով դնում եք ելակ, ապա շերտով՝ շաքար: Սա կօգնի, որ ելակը լավ ներծծի շաքարը:

Ամանը ծածկեք և թողեք սառնարանում մոտ 6-8 ժամ կամ ողջ գիշեր, որպեսզի ելակը հյութ տա:

Ինչպես պատրաստել ելակի մուրաբա

Ելակը շաքարի հետ միասին լցրեք կաթսայի մեջ և դանդաղ կրակի վրա դրեք եփվելու։ Հենց մուրաբան սկսի եռալ, խառնեք այն և թույլ տվեք եռալ 15-20 րոպե՝ ամեն անգամ հանելով առաջացած փրփուրը: Եթե ցանկանում եք, մուրաբային կարող եք ավելացնել կիտրոնի հյութ, որը կօգնի պահպանել ելակի վառ գույնը և կավելացնի թեթև թթվահամ:

Եփած մուրաբան թողեք սառչի 5-10 րոպե, ապա լցրեք մաքուր, ստերիլիզացված բանկաների մեջ: Փակեք բանկաները խիտ կափարիչներով և թողեք սառչի սենյակային ջերմաստիճանում:

Ելակի մուրաբան պատրաստ է: Դուք այն կարող եք օգտագործել թե՛ թարմ հացով, թե՛ աղանդերի մեջ կամ պարզապես որպես ինքնուրույն քաղցրություն։