Դավթաշենում տատիկը 70 հազար դոլարը պատահաբար աղբամանն է նետել. այն հայտնաբերվել է թափառականի մոտ
Դավթաշենում տատիկը 70 հազար դոլարը պատահաբար աղբամանն է նետել. այն հայտնաբերվել է թափառականի մոտ
ArmLur.am-ին հասած տեղեկությունների համաձայն՝ օրերս ուշագրավ դեպք է եղել Երեւան քաղաքում: 70 տարեկան տատիկը զանգահարել է իրավապահներին եւ հայտնել, որ Աջափնյակ-Դավթաշեն վարչական շրջանի աղբամաներից մեկում սխալմամբ աղբի հետ թափել է իր 70 հազար դոլարը:
Տատիկը իրավապահներին հստակ մատնանշել է, թե կոնկրետ որ փողոցի, որ վայրում է գցել աղբը:
Իրավապահները կնոջ ահազանգին ընթացք են տվել, գնացել են նրա բնակարան, զրուցել են նրա հետ եւ նրա այդ հայտարարությանը խիստ կասկածանքով են վերաբերվել, սակայն զբաղվել են կնոջ ահազանգով:
Ավելի ուշ, ստուգել են Դավիթաշեն վարչական շրջանի աղբամանը եւ տեսել են, որ այնտեղ գումար չկա: Որոշ ժամանակ անց ստուգվել են աղբամանի տարածքում գտնվող տեսախցիկներ:
Տեսախցիկների ստուգման ընթացքում նկատել են մի տղամարդու, որը մոտեցել է աղբամանին եւ փնտրել է ուտելիք և հագուստ, որից հետո աղբամանից հանել է մի տոպրակ եւ հեռացել:
Ոստիկանություն դիմած տատիկը հետաքննիչներին հայտնել է, որ հենց այդ տոպրակի մեջ էլ գտնվել է իր 70 հազար դոլարը: Արդյունքում ոստիկանները գտել են տղամարդուն եւ նրա բնակարանից հայտնաբերել են 70 հազար դոլարը:
Իսկ թե 70 տարեկան տատիկին որտեղից այդ գումարը, միգուցե կպարզեն իրավապահները:
