Գյումրու ավտոճանապարհին բեռնատարը մխրճվել է հոտի մեջ․ 28 ոչխար է սատկել
Գյումրու ավտոճանապարհին բեռնատարը մխրճվել է հոտի մեջ․ 28 ոչխար է սատկել
Shamshyan.com-ի փոխանցմամբ՝ այսօր՝ մայիսի 24-ին,արտակարգ դեպք է տեղի ունեել Շիրակի մարզում։ Ժամը 07։20-ի սահմաններում DAF մակնիշի ավտոմեքենան Գյումրի-Արմավիր ավտոճանապարհի 14 կմ-ին վրաերթի է ենթարկել ոչխարների ու գառների հոտին։
Ինչպես հայտնում է ֆոտոլրագրող Գագիկ Շամշյանը, 28 ոչխար տեղում սատկել են, մի քանիսն էլ վնասվածքներ են ստացել։
Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ դասակի հրամանատար Պետրոս Պետրոսյանի գլխավորությամբ։
![bernatar](https://bavnews.am/wp-content/uploads/2021/05/bernatar.jpg)
Տեղում են նաև նույն վաշտի ավագ հետաքննիչներ Նաիրի Գասպարյանը, Դավիթ Ասատրյանն ու Ռոման Հարությունյանը։ Տեղում հետաքննական աշխատանքները ղեկավարում է Ն. Գասպարյանը, ում կողմից փաստի առթիվ նյութեր են նախապատրաստվում։
Օպերատիվորեն ժամանել են նաև ոստիկանության Անիի բաժնի հերթապահ խումբը։ Ոստիկանությունը պարզում է վարորդի և տուժած քաղաքացու ինքնությունը։