Գյումրիում 35-ամյա կինը ծննդաբերել է տանը, ինչի հետևանքով զույգ երեխաները մահացել են
Գյումրիում 35-ամյա կինը ծննդաբերել է տանը, ինչի հետևանքով զույգ երեխաները մահացել են։
Shantnews.am Փետրվարի 28-ին Գյումրիի շտապ բուժօգնության կայանը զանգ է ստացել քաղաքի Ղանդիլյան փողոցի բնակարաններից մեկի բնակչից:
Շտապօգնության կայանի աշխատակիցները տեղում պարզել են, որ Գյումրիի 35-ամյա բնակիչ Լուսինե Համլետի Ասատրյանը տանը ծննդաբերել է, ինչի հետևանքով արական սեռի նորածինը մահացել է:
Լուսինե Ասատրյանին տեղափոխել են Գյումրիի մոր ու մանկան ավստրիական հիվանդանոց, որտեղ բուժհետազոտությունները պարզել են, որ կնոջ արգանդում ևս մեկ պտուղ է գտնվում, որը նույնպես մահացած է:
«Ենթադրաբար, նա զույգ երեխաների է սպասել, ինչի մասին կինը չի իմացել: Նրա մոտ հոգեկան խնդիրներ են եղել: Բժիշկների հետ կոնտակտի մեջ գրեթե չէր մտնում:
Մեզ հաջողվեց պարզել, որ նա հղիության ընթացքում հսկողության տակ չի եղել որևէ բուժհաստատությունում: Նա անգամ անձնագիր չուներ: Մոտավորապես 28-30 շաբաթական էր պտուղը, մնացել էր արգանդում, նեխել էր:
Կնոջը որևէ հարազատ չէր ուղեկցում: Ցուցաբերվել է համապատասխան բուժօգնություն, ինչից հետո նա տեղափոխվել է Երևան՝ «Սուրբ Գրիգոր Լուսավորիչ» բժշկական կենտրոն»,-հայտնել է Գյումրիի Մոր ու մանկան ավստրիական հիվանդանոցի մանկաբարձ-գինեկոլոգ Լուսինե Ասատրյանը:
Դեպքի մանրամասները պարզում են իրավապահները:
Աղբյուր՝ shantnews.am
