«Գարեգին Բ-ն իր եղբոր հետ միասին եկեղեցին ոչ միայն շուկայի է վերածել, այլև՝ ավազակների որջի». Ռուբեն Գրիգորյան (տեսանյութ)
Կաթողիկոսի ապակառուցողական գործունեության արդյունքում հասարակության մի զգալի մասը կորցրել է հավատքը Հայ առաքելական եկեղեցու նկատմամբ։ Այս մասին իր հեղինակային հաղորդաշարում հայտարարել է Մոսկվայի հայկական և ժողովուրդների մշակույթների թանգարանի հիմնադիր, գործարար Ռուբեն Գրիգորյանը:
Նա հայտարարել է, որ Գարեգին Բ-ն իր եղբոր հետ միասին եկեղեցին ոչ միայն շուկայի է վերածել, այլև՝ ավազակների որջի։ «Փոփոխության ենթարկելով դարերի խորքից եկած կանոնադրությունը, կաթողիկոսն այժմ միանձնյա կարող է կառավարել Հայ առաքելական եկեղեցու ողջ ունեցվածքը»,- նշել է Գրիգորյանը՝ անդրադառնալով եկեղեցու գանձերի անհետացման բազմիցս չարչրկված թեմային։
«Գարեգին Բ-ն իր ընտանիքի հետ միասին ոչ միայն թալանել է Հայ առաքելական եկեղեցու ունեցվածը, այլև գողացել հայ ժողովրդի հավատքը»,- ասել է նա:
Ռուբեն Գրիգորյանը հիշել է, թե ինչպես է կաթողիկոսի եղբայր Եզրասը ոստիկանություն հրավիրել, երբ Մոսկվայի հայազգի հայրենասեր երիտասարդները եկեղեցու դիմաց 2015 թվականին բողոքում էլեկտրաէներգիայի գների թանկացման, իսկ 2018-ին՝ Սերժ Սարգսյանի պաշտոնավարման դեմ։
Ռուբեն Գրիգորյանը կոչ է արել հավատացյալ ժողովրդին արթնանալ և միավորվել հանուն հայ եկեղեցու փրկության Գարեգին Բ-ից։
Մանրամասները՝ տեսանյութում:
