Բուժքույրերի միջազգային օրն է․ Ամենօրյա նվիրում ու ջանքեր
Սիրելի՛ բուժքույրեր, շնորհավորում ենք ձեզ Բուժքույրերի միջազգային օրվա առթիվ։
Բուժքրոջ մասնագիտությունն առաքելություն է, կոչում, որոնք դուք կրում և իրականացնում եք մեծագույն պատասխանատվությամբ: Ամենօրյա ձեր նվիրումն ու ջանքերը գնահատելով, բոլորիդ մաղթում ենք ամուր առողջություն, խաղաղություն` շարունակելու մեծ պատասխանատվությամբ լի առաքելությունը:
Բուժքույրերի միջազգային օր
Աշխարհի մի շարք երկրներում մայիսի 12-ը նշում են որպես Բուժքույրերի օր։ Պատահական չէ, որ մասնագիտական տոնը նշում են հենց այս օրը։ Մայիսի 12-ը հայտնի բուժքույր Ֆլորենս Նայթինգեյլի ծննդյան օրն է։
Չի կարելի թերագնահատել այն կարևոր դերը, որը նրանք կատարում են արտակարգ իրավիճակների ժամանակ:
Ճգնաժամային իրավիճակներում գտնվող շատ մարդկանց համար բուժքույրից բժշկական օգնություն ստանալը կարող է կյանքի և մահվան խնդիր լինել: Հիվանդների պատմությունները բուժքույրական խնամքի մասին թույլ են տալիս պատկերացում և հեռանկար կազմել, որը կարող է կրթել և տեղեկացնել՝ նպաստելով քույրական գործի քաղաքականության և վերապատրաստման գործընթացի զարգացմանը:
