Բորիս Ավագյանի շահերը ներկայացնող փաստաբանը նշել է, որ չի հավատում նրա ինքնասպանության վարկածին
Բորիս Ավագյանի շահերը ներկայացնող փաստաբան Նատալյա Չեռնիկովան RT-ին հայտնել է, որ չի հավատում Ավագյանի ինքնասպանության վարկածին:
Նա հայտարարել է, թե այդ մասին դատողություն է անում՝ դատելով նրա բնավորությունից:
«Նա շատ լավ գիտի, թե ինչ է ինքնասպանությունը։ Նա բավականին խելացի մարդ է, հետևանքները հաշվի է առնում իրադարձությունից այն կողմ։ Ես չեմ կարծում, որ նա ինչ-որ կերպ չի մտածել այդ մասին»,-փաստաբանի խոսքը մեջբերում է RT-ն։
Հիշեցնենք՝ Արցախի Հանրապետության նախագահի հատուկ հանձնարարությունների գծով նախկին ներկայացուցիչ Բորիս Ավագյանը հետախուզվում էր Երևանում սահմանի անօրինական հատման և փողերի լվացման համար։ Երեկ նա կապ է հաստատել լրատվամիջոցների հետ ու տեղեկացրել, որ գտնվում է Սանկտ Պետերբուրգի ՀՀ հյուպատոսարանում։ Քանի որ Հայաստանը հետախուզում է հայտարարել իր նկատմամբ նա կամավոր ցանկացել է, որ իրեն արտահանձնեն Հայաստանին։ Ավելի ուշ հայտնի դարձավ, որ Բորիս Ավագյանին մահացած են գտել Սանկտ Պետերբուրգի Հայաստանի Հանրապետության հյուպատոսարանում։
