Բեռնատարից թիթեղները թափվել ու մասամբ փակել են Նոր Հաճն տանող ճանապարհը

Այսօր` մարտի 31-ին, արտակարգ դեպք է տեղի ունեցել Կոտայքի մարզում։ Ժամը 12:00-ի սահմաններում մակնիշի ավտոմեքենան Երևան-Սևան ավտոճանապարհից դեպի Նոր Հաճնի կամրջի հատված ընթանալիս, «DONGFENG» մակնիշի բեռնատարի վրա բարձված երկաթե թիթեղները թափվել ու հայտնվել են ճանապա8հի երթևեկելի հատվածում։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար տուժածներ չկան։

Այս պահին երկաթե թիթեղների սեփականատերը մանիպուլատրով փորձում է տեղափոխել մեկ այլ ավտոմեքենա։

Ժամանակին Ճանապարհային ոստիկանությունը, հիմա էլ ՀՀ Ներքին գործերի նախարարության ոստիկանության Պարեկային ծառայությունը հորդորում է վարորդներին, որպեսզի բեռներ տեղափոխելիս պահպանեն անվտանգության կանոնները։

Մինչդեռ այս դեպքում այն չի պահպանվել և երջանիկ պատահականություն է, որ թիթեղների թափվելու ժամանակ ավտոմեքենաներ անցնելիս չեն եղել։