Արտառոց դեպք Երևանում հայտնի Նուբարաշենի գերեզմանատանը. արտաշիրիմում կատարելիս դագաղի տակ հայտնաբերվել է ծղոտանման տոպրակ
Արտառոց դեպք Երևանում հայտնի Նուբարաշենի գերեզմանատանը. արտաշիրիմում կատարելիս դագաղի տակ հայտնաբերվել է ծղոտանման տոպրակ
Shamshyan.com-ի տեղեկություններով՝ օրեր առաջ արտառոց դեպք է բացահայտվել Երևանում:
Հայաստանի Քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում, ՀՀ Քր Օր.-ի 305 հոդվածի 1-ին մասի հատկանիշներով, հարուցվել է քրեական գործ:
Ինչպես հայտնում է ֆոտոլրագրող Գագիկ Շամշյանը, մարտի 2-ին Էրեբունի և Նուբարաշեն վարչական շրջանների քննչական բաժնից ՀՀ Ներքին գործերի նախարարության Ոստիկանության Էրեբունու բաժին հայտնել են, որ իրենց մոտ հարուցված քրեական գործի շրջանակներում իրենց կողմից հայտնաբերվել է այլ ենթադրյալ հանցանք կատարելու փաստ:
Գ. Շամշյանի տեղեկություններով՝ քննչականից ոստիկանությանը հայտնել են, որ փետրվարի 23-ին Երևանի Նուբարաշենի խճուղում գտնվող գերեզմանատանը, արտաշիրիմում կատարելու ընթացքում, Արամայիս Քարամյանի դագաղի տակից՝ մոտ 15 սմ խորության վրա, հայտնաբերվել է սպիտակ ծղոտանման տոպրակի մեջ լցված մարդու ոսկորներ, գանգ և հագուստ, որն ըստ Երևանի բնակիչ 46-ամյա Համլետ Մ.-ի իր հոր՝ Գրիգոր Մ.-ի ոսկորներն են:
Պարզվել է, որ անհայտ անձը 2022 թվականի սեպտեմբեր ամսին անարգանքի է ենթարկել Համլետ Մ.-ի հոր՝ Գրիգոր Մ.-ի դիակը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
