Արտակարգ իրավիճակ՝ Երևանում. «պատերազմ տեսած մարդ եմ, կորցնելու բան չունեմ»․ տղամարդը անցել է Դավթաշենի կամրջի վտանգավոր եզրագիծը

Արտակարգ իրավիճակ՝ Երևանում. «պատերազմ տեսած մարդ եմ, կորցնելու բան չունեմ»․ տղամարդը անցել է Դավթաշենի կամրջի վտանգավոր եզրագիծը

Shamshyan.com-ը գրում է․ Այսօր՝ դեկտեմբերի 7-ին, արտակարգ իրավիճակ է ստեղծվել Երևանում։ Մոտ 40 րոպե է, մի տղամարդ Դավթաշենի կամրջի տակ անցել է կամրջի վտանգավոր եզրագիծը և սպառնում է ցած նետվելով ինքնասպան լինել։

Այս պահին նրա հետ բանակցություններ են վարում Արտակարգ իրավիճակների նախարարության փրկարար ծառայության հրշեջ-փրկարարները, ինչպես նաև ԱԻՆ հոգեբաններն ու ԱԻՆ-ից մեկ այլ ներկայացուցիչ։

Այդ տղամարդը հոգեբանական ծանր վիճակում է գտնվում և հայտնում է, որ ինքը պատերազմ տեսած մարդ է, այլևս համբերության բաժակը լցվել է, բողոքում է դատախազությունից ու դատարանից և պահանջում է հանդիպում՝ Ազգային ժողովի պատգամավոր Խաչատուր Սուքիասյանի հետ։

Օպերատիվորեն ժամանել են նաև Երևանի շտապօգնության բժիշկների հերթապահ խումբն ու պարեկային ծառայության Երևանի գնդի 2-րդ գումարտակի պարեկները։

Տեղում է նաև ոստիկանության Դավիթաշենի բաժանմունքի պետ Արմեն Հարությունյանը։

Պարեկների աշխատանքն էլ տեղում ղեկավարում են 2-րդ գումարտակի հրամանատար Լևոն Բադալյանն ու հրամանատարի տեղակալ Դավիթ Նիկողոսյանը։

Մանրամասները՝ քիչ ուշ։