Արտակարգ դեպք Երևանում․ երիտասարդ աղջիկը սպառնում է Կիևյան կամրջից ցած նետվել․ հոգեբանն ու պարեկները նրա հետ բանակցություն են վարում
Արտակարգ դեպք Երևանում․ երիտասարդ աղջիկը սպառնում է Կիևյան կամրջից ցած նետվել․ հոգեբանն ու պարեկները նրա հետ բանակցություն են վարում
Shamshyan.com-ը գրում է․ Այսօր՝ ապրիլի 17-ին, արտակարգ դեպք է տեղի ունեցել Երևանում։
Ինչպես դեպքի վայրից հայտնում է ֆոտոլրագրող Գագիկ Շամշյանը, երիտասարդ աղջիկը Կիևյան կամրջի վրա փորձում է անցնել վտանգավոր եզրագիծը, հայտնելով, որ ինքնասպանույթուն է գործելու։
Արդեն 20 րոպե է՝ ՀՀ ներքին գործերի նախարարության Փրկարար Ծառայության Երևանի թիվ 7-րդ հրշեջ-փրկարարական ջոկատից ժամանած 1 մարտական հաշվարկով փրկարարները, փրկարար հոգեբանի և ՀՀ ՆԳՆ Ոստիկանության Պարեկային Ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գումարտակի հրամանատար Գոռ Առաքելյանի, վաշտի հրամանատար Գեղամ Եփրեմյանի գլխավորությամբ, փորձում են այդ աղջկան համոզել, որպեսզի նա նման ծայրահեղ քայլի չդիմի։
Օպերատիվորեն ժամանել են նաև Երևանի շտապօգնության բժիշկների հերթապահ խումբը։Կամրջի վրա ուժեղացված ծառայություն են կատարում պարեկները, որպեսզի հետաքրքրասեր վարորդները իրենց ավտոմեքենաները չկայանեն և խցանում տեղի չունենա։
Ժամանել են նաև Ոստիկանության տարածքային բաժնի հերթապահ խումբը։Ոստիկանությունն ու Պարեկային ծառայությունը պարզում են ինքնասպանության փորձ կատարողի ինքնությունը:
