Արմավիրում քաղաքացին ընկել է կոյուղահորը և մահացել
Նոյեմբերի 16-ին, ժամը 10:54-ին «911» ծառայություն ահազանգ է ստացվել, որ Արմավիրի մարզի Ակնալիճ գյուղում քաղաքացին ընկել է ջրհորը: Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ քաղաքացին ընկել է Ակնալիճ գյուղի Հոկտեմբերյան փողոցի թիվ 4 շենքի ետնամասում գտնվող կոյուղահորը:
Փրկարարները կոյուղահորից դուրս են բերել 1967թ. ծնված Աշոտ Ս.-ի դին:
