Արմավիրի մարզում «Ford Fusion»-ը բախվել է հողաթմբին. ուղևորներից մեկը տեղում մահացել է
Արմավիրի մարզում «Ford Fusion»-ը բախվել է հողաթմբին. ուղևորներից մեկը տեղում մահացել է
Shamshyan.com-ը գրում է․ Այսօր՝ մայիսի 28-ին, խոշոր ու ողբերգական ավտովթար է տեղի ունեցել Արմավիրի մարզում։
Ժամը 03։50-ի սահմաններում Արմավիրի մարզի բնակիչ 29-ամյա Դավիթ Կարապետյանը իր վարած «Ford Fusion» մակնիշի ավտոմեքենայով Տարոնիկ-Ակնալիճ ավտոճանապարհին՝ Տարոնիկի վարչական տարածքում, դուրս է եկել հանդիպակաց երթևեկելի գոտի, բախվել հողաթմբին և, մոտ 100 մ առաջ ընթանալով, գլխիվայր շրջվելով հայտնվել դաշտում։
Վթարի հետևանքով ուղևորներ, Արմավիրի մարզի բնակիչներ 15-ամյա Լեռնիկ Ա․-ն, 18-ամյա Արամ Խաչատրյանը և 18-ամյա Հայկ Տերտերյանը մարմնական վնասվածքներով տեղափոխվել են «Վաղարշապատ» բժշկական կենտրոն, իսկ մյուս ուղևոր, Արմավիրի մարզի բնակիչ 53-ամյա Ալեքսան Գեղամյանը տեղում մահացել է։
Մահացածն ու վիրավորները հայտնաբերվել են ավտոմեքենայից դուրս։ Վիրավորներից 2-ին հիվանդանոց են տեղափոխել Վաղարշապատի բժշկական կենտրոնի շտապօգնության ավտոմեքենաներով , իսկ 2-ը՝ քաղաքացիների կողմից։
Վարորդը նույնպես տեղափոխվել է հիվանդանոց, երբ պարեկները մեկնել են այնտեղ որպեսզի նրա սթափությունը պարզեն, բժիշկները հայտնել են, որ նա առաջին բուժօգնությունը ստանալուց հետո հեռացել է հիվանդանոցից։
