Արդյո՞ք էներգետիկ ըմպելիքները վնասակար են դեռահասների համար
Էներգետիկ ըմպելիքները կարող են վնասակար լինել դեռահասների համար: Այս ըմպելիքներն ունեն բարձր մակարդակով կոֆեին և շաքար, որոնք կարող են անբարենպաստ ազդեցություն ունենալ դեռահասների առողջության վրա: Հաճախակի օգտագործումը կարող է առաջացնել անքնություն, գլխացավ, արթնություն, սրտխառնոց, և նույնիսկ սրտխփոց:
Կոֆեինը, հատկապես դեռահասների դեպքում, կարող է խանգարել կենտրոնացմանը և սովորելու ունակությանը:
Կարճաժամկետ վնասներից բացի, երկարաժամկետ օգտագործումը կարող է հանգեցնել կախվածության և սրտի առողջության վրա բացասական ազդեցության:
Նոր հետազոտությունը ցույց է տվել, որ դեռահասները, ովքեր կանոնավոր կերպով խմում են այս էներգետիկ ըմպելիքները, ժամանակի մեծ մասն անցկացնում են հեռուստացույցի առաջ եւ խաղում են տեսախաղեր։
Էներգետիկ եւ սպորտային ըմպելիքների օգտագործումը մեծապես տարածվել է դեռահասների շրջանում հատկապես վերջին տարիների ընթացքում։
Հետազոտողները հարցրել են երեխաներին, թե ինչքան հաճախ են նրանք խմել էներգետիկ ըմպելիքներ եւ մի քանի հարց են տվել առողջության եւ առողջ ապրելակերպին վերաբերող տարբեր սովորությունների մասին։
Հարցմանը մասնակցող երեխաների գրեթե 40% խմել է էներգետիկ եւ սպորտային ըմպելիքներ շաբաթական առնվազն մեկ անգամ։ Ընդ որում, ինչպես ցույց է տվել հետազոտությունը, տղաները ավելի հաճախ են օգտագործել այս ըմպելիքները, քան աղջիկները։
Էներգետիկ ըմպելիքներ օգտագործող երեխաները ավելի հաճախ են խաղացել սպորտային խաղեր։ Բայց նրանք ամեն շաբաթ զգալիորեն ավելի երկար ժամանակ են անցկացրել տեսախաղեր խաղալով։ Բացի այդ, նրանք ավելի շատ են հեռուսատցույց նայել։
Սպորտային ըմպելիքներ օգտագործող տղաներն ու աղջիկները նաեւ խմել են քաղցր հյութեր եւ ծխել են։
«Այնուամենայնիվ, սպորտային ըմպելիները հարկավոր են միայն այն երեխաներին, ովքեր մասնակցում են որոշ ֆիզիկական էներգետիկ գործողությունների շոգ, բայց խոնավ եղանակային պայմաններում։
Իսկ եթե նրանք ամբողջ ժամանակ օգտագործեն այս ըմպելիքները, ապա այն կառաջացնի ավելորդ քաշ եւ կփչացնի ատամները»,- ասել է հետազոտության հեղինակ Միննեապոլիսի Մինեսոթայի համալսարանի ավագ գիտաշխատող Նիկոլ Լարսոնը։ Նա գտնում է, որ ֆիզիկապես ակտիվ երեխաների համար լավագույն ըմպելիքը ջուրն է։
Էներգետիկ ըմպելիքներում առկա կոֆեինի մեծ չափաբաժինը կարող է դրդել ուղեղին որոնել այլ խթանիչներ