«Արդեն 3 օր է գյուղի ուղղությամբ թշնամու շարժն ակտիվացել է». Կութի բնակիչ
«Արդեն 3 օր է գյուղի ուղղությամբ թշնամու շարժն ակտիվացել է». Կութի բնակիչ
Գեղարքունիքի մարզի Կութ գյուղի բնակիչ Զմրուխտ Գևորգյանն այսօր 168.am-ի հետ զրույցում հայտնեց, որ թեպետ տևական ժամանակ է՝ թշնամին իրենց գյուղի ուղղությամբ չի կրակում, սակայն վերջին օրերին ակտիվություն են նկատում:
Կնոջ խոսքով՝ հատկապես գիշերային ժամերին են նկատում թշնամու տեխնիկայի շարժը, քանի որ սարերի վրա երթևեկող մեքենաների լույսերն ավելի պարզ են երևում:
«Արդեն 3 օր է՝ մեր գյուղի ուղղությամբ թշնամու շարժն ակտիվացել է: Կոնկրետ երեկ էլի ուժեղ շարժ կար, երեխեքն էլ էին նկատել:
Մեքենաների գնալ-գալը պարզ տեսնում ենք, երևի բան-ման են հանում սարերի վրա, ժամը 21:30-ից շարժն ակտիվանում է, երևում է, թե քանի «Ուրալ» բարձրացավ, քանի հատ իջավ»,- ասաց Կութի բնակիչը:
Նրա խոսքով՝ շատ են ուզում իրենց անհանգստությունների վերաբերյալ հարցեր ուղղել պաշտոնատար անձանց, բայց դրա հնարավորությունը չունեն, քանի որ գործող իշխանությունը միայն ընտրությունների ժամանակ է հիշել 2020 թվականից հետո սահմանամերձ դարձած Կութ գյուղի բնակիչներին:
«Պաշտոնյաներից մարդ էլ չի եկել մեր գյուղ, սրանից մի շաբաթ առաջ Կարմիր խաչի գրասենյակից են եկել-գնացել, գյուղի անապահով և բազմազավակ ընտանիքներին գումար հատկացրել, թե չէ՝ պատգամավոր, նախարար, մեր գյուղ չեն եկել:
Պաշտոնյաներ չեն գալիս, բայց մեր գյուղի ղեկավարը լավ աշխատում է, ամեն քայլափոխին զգոն է, մեր կողքին կանգնած է:
Առավել մանրամասն՝ սկզբնաղբյուր կայքում
