Արայիկի հետ ծառայել ենք նույն զորամասում, չեմ հավատում, որ կարող էր լքել մարտական դիրքը․ մարտական ընկեր
Արայիկի հետ ծառայել ենք նույն զորամասում, չեմ հավատում, որ կարող էր լքել մարտական դիրքը․ – այս մասին իր ֆեյսբուքյան էջում գրել է Արայիկ Ղազարյանի մարտական ընկեր՝ Հովհաննես Վարդանյանը։
«Ըստ իս՝ Ադրբեջանի տարածքում հայտնված Արայիկ Ղազարյանը չի լքել մարտական դիրքը։
Արայիկի հետ ծառայել ենք նույն զորամասում։ Համոզված եմ՝ նրան չե՜ն վիրավորել, պատիվն ու արժանապատվությունը չե՜ն ոտնահարել։ Նախքան զորացրվելս եղել եմ նրանց մարտական դիրքում։ Բոլորն էլ մեծ պատվով կատարում էին իրենց առջև դրված խնդիրը։
Արայիկի հետ զրուցել եմ, երբ նոր էր զորակոչվել բանակ։ հանգիստ ու հավասարակշռված տղա է։ Չեմ հավատում, որ կարող էր լքել մարտական դիրքը։ Ադրբեջանական քարոզչամեքենան ավանդույթի համաձայն հատում է հնարավոր բոլոր եզրագծերը։
Եվ ընդհանրապես, խորհուրդ եմ տալիս զերծ մնալ “դավաճանի” պիտակումներից։ Սխալ է։ Անցկացվում է ծառայողական քննություն»։
